विषाक्त रक्सी पिउँदा बागलुङमा चार जनाको मृत्यु

विषाक्त रक्सी पिउँदा बागलुङमा चार जनाको मृत्यु भएको छ । जिल्लाको गलकोट नगरपालिका–७ मल्मस्थित खानेपानी आयोजनामा काम गर्ने मजदुरहरू २१ वर्षीय दीपेन्द्र पुन, ३९ वर्षीय दूधबहादुर राना, ५१ वर्षी रेखबहादुर राना र ३० वर्षीय प्रविन घर्तीको विषाक्त रक्सी पिएर मृत्यु भएको हो ।

रक्सी पिएर गम्भीर बिरामी ३८ वर्षीय खेमराज घर्ती र २६ वर्षीय रवीन्द्र पुनको धौलागिरि अस्पालमा उपचार भइरहेको छ । सोमबार स्थानीय रक्सी पसलमा ‘लोकल’ रक्सी सेवन गरेका उनीहरु गम्भीर बिरामी परेका थिए ।

रक्सी सेवनपछि बिरामी परेका उनीहरुको धौलागिरी अस्पताल बागलुङमा उपचारको क्रममा मृत्यु भएको जिल्ला प्रहरी कार्यालय बागलुङका सूचना अधिकारी तथा प्रहरी नायब उपरीक्षक इकवाल हवारीले जानकारी दिए ।

दुई जनाको डायलासिस कक्षमा उपचार भइरहेको अस्पतालका मेडिकल सुपरिटेन्डेन्ट डा शैलेन्द्र बी पोखरेलले बताए । घटनाका विषयमा थप अनुसन्धान भइरहेको छ । रक्सी पसल सञ्चालकलाई प्रहरीले नियन्त्रणमा लिएको छ ।

Recommended For You

Leave a Reply

Your email address will not be published. Required fields are marked *