सिंहदरबारको मूल गेट नै कुरुप भएपछि…

९ साउन, काठमाडौं ।

सिंहदरबार काठमाडौंको प्रमुख प्रकाशकीय केन्द्र हो । प्रधानमन्त्रीको कार्यालयदेखि अधिकांश मन्त्रालयहरु यही सिंहदरबारभित्र छन् ।

यो सिंहदरबारभित्रका धेरै कोठा रातो कार्पेटले सजिएका छन् । तर यही सिंहदरबारका संरचनाहरू सरकारी निकायहरुको उपेक्षामा छन्।

यहाँका सडकहरु त चिल्ला छन्, वर्षा लाग्नासाथ दरबारका मूल गेटददेखि प्रशासकीय भवनहरुमा झार उम्रन्छन् । भवनहरुदेखि पैदल हिँड्ने बाटोमा लेउ लाग्छन् । सडक आसपास फोहोर जम्मा भएर बस्छन् ।

तर, यस्तो फोहोर हटाएर सिंहदरबारलाई सफा राख्न भने कसैको ध्यान पुग्दैन । शुक्रबार काठमाडौं महानगरपालिकाका सफाइ र तथा सुरक्षा सम्बद्ध कर्मचारीहरु सिंहदरबारको मूल गेट सफाइ गर्न पुगे । उनीहरुले झार उखेले । हरिया लेउ खुर्किए । गेटका संरचनाका विभिन्न भागमा उम्रिएका पिपलदेखि झारहरु हटाए । पानीले पखाले ।

बिहीबार सिंहदरबारमा सचिव एकनारायण अर्यालसहितको टोली कामले विशेष जाँदा झार उम्रिएर कुरुप भएको देखेपछि सरसफाइका लागि कर्मचारी पठाइएको महानगरपालिकका सहसचिव राजेश्वर ज्ञवालीले जानकारी दिए ।

‘मूल गेटनै झारको ढाकेको देखेपछि सफाइ गरेका हौं,’ ज्ञवालीले भने,’ सिहंदरबारको सफा रहनु हामी सकै सरकारी निकायको प्रतिष्ठाको विषय हो, महानगरले सफाइका लागि थप प्रयासहरु गर्छ ।’

www.onlinekhabar.com

Recommended For You

Leave a Reply

Your email address will not be published.